कर्णाली स्वास्थ्य विज्ञान प्रतिष्ठानमा ब्रोन्कोस्कोपी सेवा सुरु

unn.prixa.net

कर्णाली प्रतिष्ठानमा ब्रोन्कोस्कोपी सेवा सुरु गरिँदै । तस्बिर : नेत्र शाही, जुम्ला

जुम्ला – कर्णाली स्वास्थ्य विज्ञान प्रतिष्ठान जुम्लामा ब्रोन्कोस्कोपी सेवा सुरु भएकाे छ । प्रतिष्ठानले सोमवार ब्रोन्कोस्कोपी सेवा सुरु गरेको हो । छाती रोग विशेषज्ञ डा. अनुस्मृति पालको टोलीले यो सेवा सुरु गरेको छ । ब्रोन्कोस्कोपी मेशिन केही दिनअघि मात्रै आएको र आजदेखि सेवा सुरु गरिएको डा.पालले बताउनुभयो ।

उहाँका अनुसार यो सेवा सुरु भएकाले क्षयरोग, फोक्सोको क्यान्सर, खकारमा रगत देखिने, मुखबाट रगत बग्ने, दीर्घ खोकीलगायतको समयमै उपचारका लागि सहयोगी हुनेछ । यो सेवा सुरु हुनुअधि बिरामीहरू उपचारका लागि चितवन, काठमाण्डौ धाउनुपर्ने बाध्यता थियो ।

कर्णाली स्वास्थ्य विज्ञान प्रतिष्ठानका उपकुलपति डा. मंगल रावलले काठमाण्डौ, चितवनभन्दा यता पश्चिम नेपालमा छाती रोग विशेषज्ञ (पल्मोनोलोजिस्ट) डा. पाल एकमात्र भएको दाबी गर्नुभयो ।

विसं २०७२ देखि छाती रोग विशेषज्ञ डा. पाल कर्णाली स्वास्थ्य विज्ञान प्रतिष्ठानका काम गर्दै आउनुभएको छ । छाती रोगको विशेषज्ञ सेवा जुम्लामा सञ्चालनमा आएपछि कर्णालीवासीमा थप खुसी मिल्नुका साथै आर्थिक भारमा पनि राहत पुग्ने प्रतिष्ठानले जनाएको छ ।

Leave A Reply

Your email address will not be published.