भारत-पाकिस्तान टी–२० विश्व कप खेलकाे टिकट ‘केही मिनेट’ मै बिक्री

unn.prixa.net

भारत र पाकिस्तानबीच हुने टी–२० विश्व कप क्रिकेटकाे सबै टिकट बिक्री भइसकेकाे छ ।

समाचार एजेन्सी पीटीआईका अनुसार आउँदाे अक्टाेबर २३ तारिखमा अस्ट्रेलियामा हुने यस खेलका लागि सबै टिकटका साथै अतिरिक्त कक्षकाे टिकट केही मिनेटमै बिक्री भएकाे आईसीसीले जनाएकाे छ ।

आईसीसीले खेल सुरु हुनुभन्दा अघि एक आधिकारिक रिसेल प्लेटफर्म लन्च गर्ने र त्यहाँ समर्थकले टिकट एकअर्कालाई दिन सक्ने बताएकाे छ ।

आईसीसीका अनुसार अक्टाेबर १६ देखि अस्ट्रेलियामा सुरु हुने टी–२० विश्व कपका लागि अहिलेसम्म पाँच लाखभन्दा धेरै टिकट बिक्री भइसकेकाे छ ।

आईसीसीले भनेकाे छ, ‘८२ देशमा क्रिकेटका प्रशंसकले विश्वका १६ वटा टिमका उत्कृष्ट खेलाडीलाई हेर्नका लागि टिकट किनेका छन् । महिला टी–२० विश्व कप २०२० पछि पहिलाे पटक आईसीसीकाे प्रतियाेगितामा स्टेडियममा पूर्णरूपमा भरिनेछन् ।’

Leave A Reply

Your email address will not be published.